**पिंपरी चिंचवड शहराचे सुपुत्र पैलवान काळुराम लांडगे यांचा कोल्हापुर येथे ” राजा शिवछत्रपती पुरस्कार २०२६ ” ने सन्मान

मावळ मराठा मराठा न्युज (दि.०७.०६.२०२६ )कोल्हापुर येथे कागल तालुक्यातील कागल निढोरी रोड , भडगांव पाटी येथे माऊली हॉल मध्ये शासकीय मान्यताप्राप्त फाऊँडेशन , पैलवान सुभाषदादा पाटील युथ फाऊँडेशन महाराष्ट्र राज्य संचलित राष्ट्रीय पुरस्कार सोहळा मोठ्या थाटात संपन्न झाला. पैलवान सुभाष दादा पाटील युथ फाऊंडेशन महाराष्ट्र राज्य पिंपळगाव बुद्रुक तालुका कागल यांच्या वतीने सामाजिक, शैक्षणिक ,राजकीय, युवा उद्योजक, पत्रकार, आरोग्य सेविका, कला क्रीडा, साहित्य कृषी , पर्यावरण , धार्मिक , सांस्कृतिक , अशा विविध क्षेत्रांमध्ये उल्लेखनीय काम केलेले भोसरीगांवचे सुपुत्र पैलवान *काळुराम लांडगे* यांना सर्वोत्कृष्ट समजला जाणारा *” राजा शिवछत्रपती पुरस्कार २०२६ “* हा राष्ट्रीय पुरस्कार सन्मानचिन्ह , सन्मानपत्र व मानाचा फेटा देऊन पुरस्कार बहाल करण्यात आला यावेळी देशातील एकूण 150 जणांना युथ फाउंडेशन मार्फत पुरस्कार देऊन गौरव करण्यात आले पुरस्कार सन्मानिय प्रमुख पाहुणे ब्रॅंचपोस्ट मास्तर मा.रंगराव पाटील साहेब , हातकणंगले विधानसभेचे युवानेते मा.भास्कर शेटे , राष्ट्रवादी काँग्रेस पार्टीचे प्रदेश उपाध्यक्ष पैलवान अभिजित तापेकर , कोल्हापूर शिवसेनेचे शहराध्यक्ष मा. बंडा लोंढे , पंचायत समितीच्या माजी सभापती तसेच कोल्हापूर जिल्हा महिला उपाध्यक्ष राष्ट्रवादी काँग्रेसच्या मा.स्मिता राणी गुरव यांच्या शुभहस्ते पुरस्कार बहाल करण्यात आला.यावेळी मा. संजय गायकवाड अध्यक्ष हर्षल फाउंडेशन देवळा संचालक हर्ष सृष्टी ऑल मॅन्युफॅक्चरिंग इंडस्ट्रीज, मा. विजय पवार युवा उद्योजक शिक्षण क्षेत्र व कुणबी पाटील धुळे जिल्हा, मा. विकास खतकर युवा उद्योजक हिंदुस्तान युनिलिव्हर कंपनी , मा. उत्तम भाऊ जाधव स्पार्टन बॉईज भुदरगड तालुका अध्यक्ष उपस्थित होते.यावेळी सर्व क्षेत्रातील मान्यवर , पुरस्कार्थिंचे नातेवाईक व नागरिकांनी भरपुर गर्दी केली होती. कार्यक्रमाचे प्रस्ताविक मांगोरे सर यांनी केले तर सूत्रसंचालन अभिजीत माने सर यांनी केले व आभार व कार्यक्रम संपुर्ण पारपाडण्यासाठी *पैलवान सुभाष दादा पाटील* व त्यांच्या सर्व कार्यकर्त्यांनी भरपूर प्रयत्न केले.