सीएमएस कलामंदिरचे निगडीत १६ एप्रिल रोजी उदघाटन

मावळ मराठा न्यूज:- पिंपरी(प्रतिनिधी) आकुर्डी येथील चिंचवड मल्याळी समाजमच्या वतीने सुरू करण्यात येत असलेल्या सीएमएस कलामंदिर चे उदघाटन दि १६ रोजी होणार असल्याची माहिती समाजचे अध्यक्ष टी पी विजयन यांनी आज पत्रकार परिषदेत दिली. सीएमएस कलामंदिर – परफॉर्मिंग आर्ट्सची एक अकादमी म्हणजे चिंचवड मल्याळी समाजाच्या शिरपेचात आणखी एक मानाचा तुरा रोवला आहे. ज्याची स्थापना परफॉर्मिंग आर्ट्सच्या क्षेत्रातील ज्ञान सर्वसामान्यांना परवडणाऱ्या दरात देण्याच्या उद्देशाने सुरू करण्यात आली आहे.सीएमएस कलामंदिरचे उद्घाटन केरळ संगीत नाटक अकादमीचे अध्यक्ष,चेंडा वादक,पद्मश्री मत्तनूर शंकरनकुट्टी यांच्या हस्ते दि १६ रोजी, ६ वा. होणार आहे .आमदार अण्णा बनसोडे,माजी उपमहापौर राजू मिसाळ आदी उपस्थित राहणार आहे.यावेळी राजू मिसाळ यांच्या तर्फे आलेल्या प्रेक्षकांना रोपांचे वाटप केले जाणार आहे.आकुर्डी रेल्वे स्टेशन समोर असलेल्या केरलाभवन येथे हा उदघाटन सोहळा संपन्न होणार आहे.या अकादमीमध्ये अकादमी तज्ञ शिक्षकांच्या मार्गदर्शनाखाली भरतनाट्यम, मोहिनीअट्टम, हिंदुस्थानी गायन, तबला, हार्मोनियम, की-बोर्ड, गिटार, कर्नाटकी गायन आणि वाद्ये इत्यादी अभ्यासक्रम शिकवणार आहे. सीएमएस कलामंदिर आपल्या विद्यार्थ्यांना त्यांच्या कामगिरीसाठी योग्य व्यासपीठ उपलब्ध करीत आहोत. भविष्यात लवकरच सर्व सुविधांसह व्यापक असे अकादमीचे रूप असेल. अधिक माहितीसाठी कृपया केरळ भवन कार्यालयाचा संपर्क क्रमांक – ७७७४०६१७३६ वर संपर्क साधा.पत्रकार परिषदेस चिंचवड मल्याळी समाजाचे अध्यक्ष टी.पी.विजयन,सरचिटणीस सुधीर सी. नायर,खजिनदार पी. अजयकुमार, कला मंदिर प्रमुख पी. व्ही. भास्करन, कलावेदीचे संयोजक जी. करुणाकरन, उपाध्यक्ष पी श्रीनिवासन,सहसचिव जी. एस. नायर,फॅन्सी विजयन, सह खजिनदार प्रवीण पणिकर उपस्थित होते. सीएमएस बद्दल थोडक्यात चिंचवड मल्याळी समाजाची स्थापना १९६६ मध्ये साध्या पद्धतीने केली. सीएमएस गेल्या ५८ वर्षांपासून सामाजिक, सांस्कृतिक, शैक्षणिक आणि धर्मादाय क्षेत्रात काम करत आहे. सीएमएस संपूर्ण समाजाच्या संगोपनासाठी आणि पुणे आणि आसपासच्या समाजाच्या चांगल्यासाठी प्रयत्नशील आहे.समाज अगदी नजीकच्या कल्लात नायगाव, कामशेत जवळ, ता. मावळ, मध्‍ये वृद्धाश्रम सुरु करत आहे.नजीकच्या काळात सीएमएस किवळे येथे आणखी एक शाळा सुरू करत आहे.सीएमएसच्या या प्रवासात सर्वसामान्यांना परवडणाऱ्या दरात इंग्रजी माध्यमात शिक्षण देण्याची गरज भासू लागली. या प्राथमिक हेतूने आम्ही १९९४ मध्ये खूप संघर्ष केल्यानंतर सीएमएस इंग्रजी माध्यम शाळा सुरू करू शकलो. सध्याच्या २९ वर्षांच्या इतिहासात १००% निकालासह २८०० विद्यार्थी शाळेत शिकत आहेत. शाळेने अनेक राष्ट्रीय – राज्यस्तरीय खेळाडू आणि कलाकारही घडवले आहेत.आकुर्डी रेल्वे स्टेशन समोर सीएमएस केरळ भवन उभारणी केल्याने समाज एकत्र येण्यास मदत झाली. आज केरळ भवन हे सीएमएस आणि सर्वसाधारणपणे सोसायटीच्या सांस्कृतिक उपक्रमांचे केंद्र बनले आहे.