ओला-उबेर विरोधात लोणावळा-खंडाळा टॅक्सी संघटनेचे साखळी उपोषण; राष्ट्रवादी काँग्रेसचा पाठिंबा
मावळ मराठा न्युज -लोणावळा: लोणावळा आणि खंडाळा परिसरात अनधिकृतपणे व्यवसाय करणाऱ्या ओला, उबेर आणि इतर ऑनलाइन टॅक्सी सेवांच्या विरोधात ‘लोणावळा-खंडाळा टॅक्सी चालक-मालक संघटने’च्या वतीने तीन दिवसीय साखळी उपोषण पुकारण्यात आले आहे. स्थानिक टॅक्सी व्यवसायावर गदा येत असल्याच्या भावनेतून हे आंदोलन करण्यात येत असून, याला राजकीय स्तरातूनही मोठा पाठिंबा मिळत आहे.आंदोलनाचे मुख्य कारण बाहेरून येणाऱ्या ऑनलाइन टॅक्सी सेवांमुळे स्थानिक चालकांच्या व्यवसायावर मोठा परिणाम होत आहे. या ऑनलाइन सेवांच्या मनमानी कारभाराला चाप लावावा आणि स्थानिक टॅक्सी चालकांना न्याय मिळावा, ही या उपोषणाची मुख्य मागणी आहे.राष्ट्रवादी काँग्रेसचा पाठिंबा या आंदोलनात राष्ट्रवादी काँग्रेस पक्षाचे पदाधिकारी सनी पाळेकर आणि विकास बोत्रे यांनी अत्यंत आक्रमक भूमिका घेत आपला सहभाग नोंदवला. त्यांनी संघटनेला तरुणांचा पूर्ण पाठिंबा असल्याचे जाहीर करत, या लढ्यात टॅक्सी चालकांच्या मागे खंबीरपणे उभे राहण्याचे आश्वासन दिले.उपस्थित मान्यवर या उपोषणस्थळी राष्ट्रवादी काँग्रेसचे सनी पाळेकर, विकास बोत्रे, जयेश देसाई, किशोर गाडे, यांच्यासह ॲड. प्रफुल सोनवणे, नितेश जाधव, निखिल तिकोणे, सुरज गायके, भारत जाधव, हसन शेख, रितेश भोमे आणि इतर अनेक पदाधिकारी व कार्यकर्ते मोठ्या संख्येने उपस्थित होते.टॅक्सी चालक-मालक संघटनेने पुकारलेल्या या तीन दिवसीय आंदोलनामुळे प्रशासनावर दबाव निर्माण झाला असून, आता प्रशासन यावर काय तोडगा काढणार, याकडे सर्वांचे लक्ष लागले आहे.
