जागतिक पर्यावरण दिन,’बीट प्लास्टिक पोल्यूशन’ वर संत निरंकारी मिशनचे लोणावळा, खंडाळा येथे व्यापक वृक्षारोपण,स्वच्छता अभियान

मावळ मराठा न्युज-लोणावळा,जून ५ ,२०२५ : प्रकृती परमात्म्याचा अमूल्य उपहार – तिचे संरक्षण आपली जबाबदारी आहे,त्यासाठी पर्यावरण जतन करायला हवे.प्रकृती मानव जीवनाची सदैव सोबती राहिली आहे, तिच्या सावलीत सभ्यता उदयाला आल्या, संस्कृती विकास पावल्या आणि जीवनाचा सतत विकास होत राहिला. तथापि, मानवाच्या स्वार्थाने जेव्हा संतुलनाची सीमा ओलांडली तेव्हा या जीवनदायीनी प्रकृतीला क्षतिग्रस्त व्हावे लागले. मनुष्य कदाचित हे विसरतो, की तोही या प्रकृतीचेच एक अभिन्न अंग आहे. आज, पर्यावरणाच्या संकटाचा प्रतिध्वनी वैश्विक चेतनेला हलवून सोडत आहे. त्याचाच परिपाक म्हणून संयुक्त राष्ट्र संघाकडून दरवर्षी ५ जून रोजी ‘विश्व पर्यावरण दिवस’ आयोजित केला जातो.या वैश्विक पुढाकारातून प्रेरणा घेत सतगुरु माता सुदीक्षा जी महाराज यांच्या लोकमंगलकारी व दूरदर्शी नेतृत्वाखाली संत निरंकारी मिशनची सामाजिक शाखा संत निरंकारी चॅरिटेबल फाउंडेशन संयुक्त राष्ट्रांकडून निर्धारित थीम ‘बीट प्लास्टिक पोल्यूशन’ ला केंद्रीभूत मानून देशभरातील १८ प्रमुख पर्वतीय पर्यटन स्थळांवर ५ जून रोजी सकाळी ८ .०० ते दुपारी २ .०० या वेळात एक व्यापक वृक्षारोपण व स्वच्छता अभियान संपन्न झाले. लोणावळा आणि खंडाळा येथे सकाळी ८ वाजल्यापासून निरंकारी मिशनतर्फे लोणावळा नगरपरिषदेच्या साहाय्याने भव्य वृक्षारोपण तसेच स्वच्छता अभियान राबविण्यात आले. लोणावळा-खंडाळा परिसरातील मुंबई-पुणे महामार्गाचे दोन्ही बाजूचे रस्ते,खंडाळा ते अमृतांजन पॉईंट,वलवन तळे, कावेरी फार्म,नागरगाव,लोहगड उद्यान,रायवूड ते लोणावळा डॅम गेट,आय.एन.एस. ते भुशी, तुंगार्ली चौक ते ग्रामीण पोलीस स्टेशन,नगरपरिषद कार्यालय, मावळा पुतळा या ठिकाणांचा या अभियानामध्ये समावेश होता. या कार्यक्रमाला लोणावळा नगरपरिषदचे सर्व पदाधिकारी, माजी नगरसेवक देविदास कडू, बाळासाहेब जाधव त्याचबरॊबर संत निरंकारी मिशनचे पदाधिकारी उपस्थित होते. हा प्रयत्न केवळ स्वच्छ, हरित व संतुलित पर्यावरणाच्या दिशेने एक सशक्त पाऊल आहे इतकेच नव्हे तर आजच्या युवापिढीला प्रकृतीच्या बाबतीत संवेदनशील बनवून प्रकृतीरक्षणाची भावना व्यवहारात उतरविण्याचा एक प्रेरणादायक पुढाकारदेखील आहे. हे एक असे अभियान आहे जे सेवा, सद्भाव आणि सजगतेला जनचेतनेशी जोडण्याचे कार्य करते. संत निरंकारी चॅरिटेबल फाउंडेशनचे सचिव श्री.जोगिंदर सुखीजा यांनी माहिती देताना सांगितले, की या महाअभियाना अंतर्गत देशातील प्राकृतिक सौंदर्याने नटलेल्या विविध १८ प्रमुख पर्वतीय व पर्यटन स्थळांचा समावेश करण्यात आला होता. त्यामध्ये महाराष्ट्रातील महाबळेश्वर, पांचगणी, खंडाळा, लोनावळा, पन्हाळा ही पर्यटन स्थळे उल्लेखनीय आहेत. या प्रसंगी मिशनचे स्वयंसेवक, सेवादल सदस्य, भक्तगण व स्थानिक नागरिक एकोप्याने प्रार्थनेत सहभागी झाले होते. मिशनचे युवा स्वयंसेवकांनी पथनाट्ये, सांस्कृतिक प्रस्तुती आणि रचनात्मक संदेशाच्या माध्यमातून प्लास्टिक प्रदूषणाचा दुष्प्रभाव आणि त्यावरील उपाययोजना यावर जनजागृती केली. शिवाय, पर्यावरण रक्षणाचा संदेश देणारे फलक व बॅनर हातात घेऊन मानवी साखळी तयार करुन यावेळी समाजाला प्रेरणा देण्यात आली.