लोणावळ्यात अतिवृष्टीचा फटका: बाधितांना १ लाख रुपयांची भरपाई द्या; नगरसेवक मुबीन इनामदार यांची आग्रही मागणी

मावळ मराठा न्युज -​लोणावळा: लोणावळा शहरात झालेल्या अतिवृष्टीमुळे जनजीवन विस्कळीत झाले असून, नागरिकांचे मोठ्या प्रमाणावर नुकसान झाले आहे. या पार्श्वभूमीवर नगरपरिषदेत आयोजित करण्यात आलेल्या विशेष बैठकीत नगरसेवक मुबीन इनामदार यांनी प्रशासनाकडे गंभीर मागणी केली आहे. अतिवृष्टीमुळे ज्या नागरिकांचे नुकसान झाले आहे, त्यांना प्रत्येकी १ लाख रुपयांची तातडीची आर्थिक मदत देण्यात यावी, अशी आग्रही मागणी त्यांनी केली आहे.​नुकसानग्रस्त नागरिकांना दिलासा देण्यासाठी ही मदत अत्यंत आवश्यक असल्याचे इनामदार यांनी बैठकीत स्पष्ट केले. त्यांच्या या मागणीनंतर आता प्रशासन यावर काय निर्णय घेते आणि बाधितांच्या मदतीसाठी कोणती ठोस पावले उचलली जातात, याकडे संपूर्ण शहराचे लक्ष लागले आहे.