*लोकमान्य टिळक पुण्यतिथी व आण्णा भाऊ साठे जयंती निमित्त कार्यक्रम संपन्न*

मावळ मराठा न्युज -तळेगाव दाभाडे,बहुजन सर्वगिण विकास परिषद वतीने नगरपरिषद माध्यमिक शाळा क्रमांक सहा या ठिकाणी लोकशाही अण्णाभाऊ साठे यांची जयंती साजरी करण्यात आली. कु. तन्वी अवचिते व कु. मानसी लोखंडे कु. अस्मिता संजय कदम या विद्यार्थ्यांनी सूत्रसंचालन केले. या निमित्ताने विद्यार्थ्यांचे निबध स्पर्धेचे आयोजन करण्यात आले होते. कार्यक्रमाला प्रमुख उपस्थितीमध्ये कार्यक्रम अध्यक्ष प्रसिद्ध पत्रकार व राष्ट्रवादी काँग्रेस पक्ष उद्योग विभाग प्रदेश उपाध्यक्ष श्री अभिजीत आपटे हे होते तर बहुजन सर्वांगिण विकास परिषद अध्यक्ष श्री किरण साळवे प्रमुख पाहुणे म्हणून उपस्थित होते. प्रमुख उपस्थितांमध्ये पोलीस गणेश साबळे व आकाश शिंदे हे उपस्थित होते. शालेय विद्यार्थ्यांनी सुद्धा आपले मनोगत व्यक्त केले. कार्यक्रमाचे प्रमुख पाहुणे श्री किरण साळवे यांनी अण्णाभाऊ साठे यांच्या कार्याचा आढावा विद्यार्थ्यांना सांगितला. तर कार्यक्रमाचे अध्यक्ष श्री अभिजित आपटे यांनी विद्यार्थ्यांना मार्गदर्शन करताना लोकमान्य टिळक आणि अण्णाभाऊ साठे यांच्यातील साम्य समजावले एक स्वातंत्र्य लढ्याचे प्रणेते होते तर दुसरे सामाजिक लढ्याचे, आण्णा भाऊ साठे यांनी हजोरो वर्ष दबलेल्या समाजाला साहित्यातुन आवाज दिला. या प्रसंगी उपस्थित असलेल्या पोलीस बांधवांविषयी कृतज्ञ रहाण्याची शिकवण अभिजीत आपटे यांनी विद्यार्थ्यांना दिली. यानंतर कु. जान्हवी निवृत्ती शेळके (प्रथम क्रमांक) कु. क्रांती दिनेश चौरे (द्वितीय क्रमांक) कु. अविनाश अशोक कानडे (उत्तेजनार्थ) कु. दिव्या अशोक जाधव (तृतीय क्रमांक ) स्पर्धेत क्रमांक आलेल्या विद्यार्थ्यांना बक्षीस वितरण करण्यात आले.यावेळी शिक्षीका सौ वसुंधरा सुदाम माळवदकर सौ प्रतिभा युवराज काळे, सौ दिपमाला दत्तात्रय गायकवाड यांनी कार्यक्रमाचे आभार प्रदर्शन केले.