*लायन्स क्लब लोणावळा-खंडाळा व डेला अ‍ॅडव्हेंचर तर्फे अवयवदान बाबत जनजागृती*

मावळ मराठा न्युज -लोणावळा,लायन्स क्लब लोणावळा-खंडाळा व डेला अ‍ॅडव्हेंचर तर्फे अवयवदान बाबत जनजागृती यशस्वीरीत्या आयोजित केले अवयवदानाच्या गंभीर गरजेला प्रतिसाद देण्यासाठी,लायन्स क्लब लोणावळा-खंडाळा व डेला अ‍ॅडव्हेंचर यांच्या संयुक्त विद्यमाने ११ ऑगस्ट २०२५ रोजी डेला रिसॉर्ट येथे अवयवदान जनजागृती शिबीर यशस्वीरीत्या पार पडले. श्री. जिमी मिस्त्री यांच्या पुढाकाराने आयोजित या कार्यक्रमाला २०० हून अधिक लोकांनी शिबिराचा लाभ घेतला – लायन्स क्लब सदस्य,डेला व्यवस्थापन आणि स्थानिक नागरिक यांनी मोठ्या शंकेने हजेरी लावली.”एव्हरीथिंग दॅट यू वॉन्टेड टू नो अबाऊट ब्लड अँड ऑर्गन डोनेशन” या शीर्षकाखालील या शिबिराचा उद्देश अवयवदानासंबंधी असलेले गैरसमज दूर करून त्याविषयी सर्वसमावेशक माहिती देणे व अवयवदानाचे महतव पटवून देणे हा होता. मुख्य वक्त्या म्हणून झोनल ट्रान्सप्लांट कोऑर्डिनेशन सेंटर (ZTCC) पुणेच्या मुख्य ट्रान्सप्लांट समन्वयक सौ. आरती गोखले उपस्थित होत्या. आपल्या टीमसह त्यांनी पॉवरपॉइंट प्रेझेंटेशनद्वारे अवयवदानाची गरज, कोण दान करू शकतो, कोणते अवयव दान करता येतात आणि ZTCC या प्रक्रियेत कशी महत्त्वाची भूमिका बजावते याविषयी सविस्तर माहिती दिली.सौ. गोखले व त्यांच्या टीमने अवयवदानाचे जीवन बदलणारे महत्त्व अधोरेखित करत, ते गंभीर आजाराने त्रस्त रुग्णांना नवसंजीवनी देऊ शकते हे स्पष्ट केले. प्रेझेंटेशननंतर सर्व उपस्थितांनी अवयवदानाचे व प्रसार करण्याची वचनबद्धता दर्शवित शपथ घेतली.कार्यक्रमात लायन विरल गाला ऍक्टिव्हिटी चेअरमन यांनीही रक्तदानाच्या महत्त्वावर भाष्य केले, जे समाजसेवेचा आणखी एक आवश्यक भाग आहे.या शिबरचे अनेक व्यक्तींच्या सक्रिय सहभाग व समर्पणामुळे शक्य झाले. डॉ. दिलीप सुराणा, डॉ. पी.एम. ओसवाल अध्यक्ष लायन कांता ओसवाल सचिव लायन निराली नालेकर, अ‍ॅड. प्रफुल लुंकड, प्रकाश जैन व अभय राठोड यांनी कार्यक्रमाच्या आयोजनात सहभाग नोंदवला .कार्यक्रम यशस्वी होण्यासाठी खालील व्यक्ती व त्यांच्या टीमचे विशेष सहकार्य लाभले फ्रान्सिस रॉड्रिग्ज, रवीश देसाई, धनाजी पांडे, आशिष शर्मा, कुणाल झुरे व टीम श्री. जिमी मिस्त्री श्री. इरफान झाफर लायन्स क्लब लोणावळा-खंडाळा व डेला अ‍ॅडव्हेंचर यांचा हा उपक्रम, श्री. जिमी मिस्त्री यांच्या पुढाकाराने, अवयवदानाविषयी सजग व जबाबदार समाज घडविण्याकडे एक महत्त्वपूर्ण पाऊल आहे. या शिबिरातून केवळ जनजागृती झाली नाही तर जीव वाचविण्यासाठी एकत्रित जबाबदारी स्वीकारण्याची प्रेरणाही मिळाली.झोनल ट्रान्सप्लांट कोऑर्डिनेशन सेंटर (ZTCC) पुणे ही अवयव व ऊतक दान आणि प्रत्यारोपणासाठी कार्य करणारी संस्था आहे. लायन्स क्लब लोणावळा-खंडाळा हा लायन्स क्लब्स इंटरनॅशनलचा एक भाग असून, जगातील सर्वात मोठ्या सेवा संघटनांपैकी एक आहे. याचे सदस्य समाजसेवा व मानवतावादी उपक्रमांतून समाजातील विविध गरजा पूर्ण करण्यासाठी कार्यरत असतात.